नेपालमा चर्चित चारवटा टेलिभिजनबाट प्रशारण हुने ‘जनतासँग प्रधानमन्त्री’ कार्यक्रम आजबाट सञ्चालन हुनेछ । कथा नेपालद्वारा निर्माण तथा मनोज पाण्डेले सञ्चालन गर्ने सो कार्यक्रम नेपाल टेलिभिजनसहित एपी वान एचडी, हिमालय टेलिभिजन र एबीसी टेलिभिजनबाट ९ बजे एक साथ कार्यक्रम प्रसारण हुनेछ ।
उक्त कार्यक्रमको सुटिङका क्रममा नेपाली जनताको अवस्थामाबारे गरिएको प्रश्नले प्रधानमन्त्री केपी शर्मा ओली भावुक बनेका थिए । रिपोर्ट बजाएपछि नेपाली जनताको अवस्थाबारे प्रश्नकर्ताले प्रश्न गरेपछि प्रधानमन्त्री ओलीको आँखा रसाएका थिए ।
यो कार्यक्रम निर्माणका लागि अनुसन्धानकर्ता, प्रोफेसर, पत्रकार, स्टोरी एडिटर, प्राविधिक, पब्लिसिटी र व्यवस्थापकीय गरी १५ जनाको टोली छ । यसबाहेक विषयगत रूपमा आवश्यकता अनुसार राष्ट्रिय योजना आयोग, तथ्यांक विभाग, विषयगत मन्त्रालय तथा विश्वविद्यालयहरूलाई समेत अध्ययन–अनुसन्धानका लागि अनुरोध गर्ने योजना कथा नेपालको छ ।
‘जनतासँग प्रधानमन्त्री’ मा विज्ञापन बजाउन शर्तहरु राखिएका छन् । कुनै पनि आयातीत सामान, गुणस्तर विभागले तिम्रा सामान गुणस्तरीय छैनन्, पब्लिकलाई नबेच भनेका सामान, स्वास्थ्यमा प्रतिकुल असर पार्ने जंकफुड, भ्याट, ट्याक्स वा यस सम्बन्धी कानुनी झमेलामा फसेका कम्पनीको उत्पादन र सेवाको विज्ञापन सो कार्यक्रममा नबजाइने बताइएको छ ।
No comments:
Post a Comment